Nepal's No.1 Filmy Web Magazine
दशैंको छेको पारेर आगामी असोज ११ गतेबाट प्रदर्शनको तयारीमा रहेको फिल्म ‘आँखा’को पहिलो गीत सार्वजनिक गरिएको छ । ‘खुसी’ बोलको गीतमा फिल्मकी शीर्ष अभिनेत्री स्मिता लामिछाने र अभिनेता आरके मेहताको खुसी र पीडालाई देखाइएको छ, जो सुकुम्बासी बस्तीमा बस्छन् । पवन गिरी र मीना सिंहको स्वर, प्रकाश मल्ल र राम अविरल बिष्टको शब्द रहेको गीत मर्मस्पर्शी छ ।
दिनेश कुँवरको निर्देशनमा फिल्म ‘ज्ञान शास्त्र’ बन्ने भएको छ । बिहीबार थिम पोस्टर सार्वजनिक गर्दै फिल्मको घोषणा गरिएको हो । पोस्टरमा खप्टिएका चार थान शास्त्रका पुराना किताबलाई प्रस्तुत गरिएको छ भने पृष्ठभूमिमा चाँदी झैँ टल्किएको हिमाल र हरियो डाँडाको काखमा रहेको एक सुन्दर गाउँ चित्रित छ । फिल्मले शिक्षा सम्बन्धी विषय उठाउन लागेको जानकारी पोस्टरले गराउँछ ।
गत हप्ताबाट प्रदर्शनमा आएको फिल्म ‘वर एन्ड वधु’ले व्यापारमा सुधारका लागि बक्स अफिसमा संघर्ष गरिरहेको छ । प्रदर्शनको दोस्रो दिन शनिबार फिल्मको व्यापार ठीकठाकै भए पनि त्यसपछि खस्किन पुग्यो । यद्यपि, निर्माण टिमले अझै आशा मारिसकेको भने छैन । ‘वर्ड अफ माउथ’ राम्रो भएकाले दर्शक बढ्ने विश्वासमा निर्माण टिम छ । तर, त्यो सम्भावना अब झिनो बन्दै गएको छ ।
यतिबेला हलमा नेपाली फिल्मको कुनै अभाव छैन । हरेक हप्ता नयाँ फिल्महरुको ओइरो-पहिरो छ । मात्र अभाव भनेको दर्शकको देखिन्छ । गत असार अन्तिममा आएको फिल्म ‘घरज्वाइँ’पछि कुनैले लगानी त टाढाको कुरा, कलाकारहरुलाई तिरेको पारिश्रमिक पनि उठाउन सकेका छैनन् । यो निराशाका बीच भोलि शुक्रबार (तीजको दिन)बाट दुई फिल्म ‘रावायण’ र ‘देवी’ प्रदर्शन हुँदैछन् ।
बलात्कारविरुद्धको आवाज उठाएको फिल्म ‘देवी’ तीजको दिन पारेर भोलि शुक्रबार (भदौ २१ गते)बाट प्रदर्शनमा आउने तयारीमा छ । प्रदर्शनको पूर्वसन्ध्यामा बुधबार साँझ काठमाडौंको कमलपोखरीस्थित बिग मुभिजमा फिल्मको ‘रेड कार्पेट’ प्रिमियर गरिएको थियो, जहाँ उपस्थित अधिकांश अतिथिहरुले विषयवस्तु र अभिनेत्री शिल्पा मास्केको अभिनयको मुक्तकण्ठले प्रशंसा गरेका थिए ।
