Nepal's No.1 Filmy Web Magazine
नेपालमा फरक धारका फिल्मलाई व्यापारिक हिसाबले उतिधेरै सुरक्षित मानिँदैन । यसैले बजारमा जे चलेको छ, त्यसैमा लगानीको ओइरो लाग्छ । जसले गर्दा फरक विषयमा विरलै फिल्म बन्छन् । यही शुक्रबार अर्थात् भदौ २१ गते (तीजको दिन)बाट सार्वजनिक प्रदर्शनमा आउन लागेको फिल्म ‘देवी’ले पनि सुरुवातमा निर्माता पाएको थिएन । किनकि यसको कथा बजारबाट निर्देशित थिएन ।
आगामी कात्तिक १५ गते (लक्ष्मीपूजा)बाट प्रदर्शनको तयारीमा रहेको फिल्म ‘पूर्ण बहादुरको सारङ्गी’को टिजर सार्वजनिक गरिएको छ । आइतबार सार्वजनिक करिब २ मिनेट लम्बाईको टिजरमा बाबु-छोराबीचको भावनात्मक सम्बन्धलाई देखाइएको छ । छोराका लागि बाबुले गरेको संघर्ष, त्याग र सपनाको कथामा फिल्म आधारित रहेको टिजरले प्रस्ट्याउन खोजेको छ । टिजर मर्मस्पर्शी छ ।
फिल्म निर्माण र अभिनय दुईटै विधामा सक्रिय छिन्, पूजा शर्मा । ‘थ्री लभर्स’बाट अभिनय करिअर सुरु गरेकी उनले ‘म यस्तो गीत गाउँछु’बाट पहिलो पटक निर्माणमा हात हालेकी थिइन् । त्यसपछि उनको निर्माण यात्रा रोकिएको छैन । ‘रामकहानी’ र ‘म यस्तो गीत गाउँछु २’पछि अब पूजाको निर्माणमा बनेको चौथो फिल्म ‘रावायण’ यही भदौ २१ गते अर्थात् तीजको दिनबाट प्रदर्शन हुँदैछ ।
गत बैशाख र जेठ महिना नेपाली फिल्मका लागि सम्झनलायक रह्यो । यो दुई महिनामा तीन फिल्म सफल भए । असारमा आएको ‘घरज्वाइँ’ पनि राम्रो चल्यो । तर, त्यसपछि नेपाली फिल्मको अवस्था विग्रिएको थियो । हरेक हप्ता हलमा फिल्म नटुटे पनि व्यापार कुनैको सन्तोषजनक रहेन । एक फिल्मका निर्माताले ‘सुन उपहार दिन्छु’ भनेर ललिपप देखाउँदा समेत दर्शकले चासो देखाएनन् ।
घरेलु बक्स अफिसमा फिल्म ‘घरज्वाइँ’ नपत्याउने खोलाजस्तै बन्यो । निरन्तरको वर्षा र ठूला भारतीय फिल्मको चुनौतीका बीच गत असार २८ गतेबाट प्रदर्शनमा आएको फिल्मका गीतदेखि ट्रेलरले समेत खासै राम्रो हाइप बनाएका थिएनन् । तर, हलमा भने दर्शक ओइरिए । अन्ततः यो वर्षको चौथो हिट फिल्म बनेको छ । यसअघि ‘बोक्सीको घर’, ‘मनसरा’ र ‘पूजार सार्की’ सफल भएका थिए ।
यही भदौ २१ गते अर्थात् हरितालिका तीजबाट प्रदर्शनमा आउन लागेको फिल्म ‘देवी’को नयाँ गीत ‘सेलाइदेउ खोलामा’ सार्वजनिक गरिएको छ । लिरिकल गीतमा समीक्षा अधिकारी र सज्जा चौलागाइँको पार्श्व गायन रहेको छ भने सुष्मा सिग्देलको शब्द रचना तथा सुशान्त गौतमको संगीत छ । गीतले महिलालाई हेर्ने दृष्टिकोण र गरिने व्यवहारप्रति प्रश्न गर्छ । गीतका शब्दहरू शक्तिशाली छन् ।
