Nepal's No.1 Filmy Web Magazine
नेपाली फिल्म क्षेत्रका लागि मंसिर र पुष महिना व्यापारको हिसाबले निराशाजनक रहन पुग्यो । दयाहाङ राई, सौगात मल्ल जस्ता ‘स्टार’का फिल्म समेत फ्लप भए । यो अवस्थामा शुक्रबारबाट प्रदर्शन भएको फिल्म ‘केटी हराएको सूचना’प्रति धेरैको अपेक्षा थियो । तर, फिल्मको दुई दिनको प्रदर्शन हेर्दा उत्साहित हुनुपर्ने अवस्था देखिँदैन । फिल्मले बक्स अफिसमा औसत सुरुवात गरेको छ ।
अभिनेता राजबल्लभ कोइराला आफ्नो कमब्याक फिल्म ‘एक्टर: टेक वन’को प्रवर्द्धन गर्न अमेरिकाबाट काठमाडौं आइपुगेका छन् । शनिबार साँझ ६ बजे त्रिभुवन विमानस्थलमा ओर्लिएका उनलाई फिल्मका मुख्य अभिनेता प्रदीप खड्का, निर्देशक राजन भुसाल लगायतले स्वागत गरेका थिए । बडिगार्डसहित विमानस्थलबाट बाहिरिएका राजबल्लभ सञ्चारकर्मीहरुसँग पनि केहीबेर गफिए ।
यतिबेला भारत र नेपालमा एउटा हिन्दी वेब सिरिजको निकै चर्चा भइरहेको छ । त्यो सिरिज हो, ‘पाताल लोक २’ । चर्चित ओटीटी प्लेटफर्म प्राइम भिडियोमा १७ जनवरीबाट रिलिज भएको यो सिरिजको नेपालमा समेत चर्चा हुनुको पछाडि भने अभिनेता प्रशान्त तामाङको अभिनय एउटा मुख्य कारण हो । गायक र अभिनेताको रुपमा चिनिएका उनी यसमा महत्त्वपूर्ण भूमिकामा प्रस्तुत छन् ।
२०७२ सालमा प्रदर्शन भएको फिल्म ‘रेशम फिलिली’मा समावेश ‘पारी त्यो डाँडामा’ गीतले करिब २/३ वर्ष बजारमा एकछत्र कब्जा जमायो । अझै पनि जनजिब्रोमा यो गीत झुण्डिएको छ । गीतको लोकप्रियताका कारण फिल्मलाई ओपनिङ पनि सानदार मिलेको थियो । तर, रिलिजको दोस्रो दिनै (बैशाख १२ गते) ठूलो भूकम्प जाँदा फिल्म चल्नै पाएन । यद्यपि, गीतको चर्चा भने कम भएन ।
अभिनेत्री तथा निर्मात्री निशा अधिकारी ८ वर्षपछि फिल्म निर्माणमा फर्किने भएकी छन् । उनी कार्यकारी निर्माताको रुपमा आबद्ध भएको फिल्म ‘माया प्रीति’को शुक्रबार घोषणा गरिएको छ । यसअघि उनले सन् २०१७ मा प्रदर्शनमा आएको फिल्म ‘झ्यानाकुटी’ निर्माण गरेकी थिइन् । अवि श्रेष्ठको निर्देशनमा बन्न लागेको फिल्मको कार्यकारी निर्मातामा निशासहित सन्तोष कुमार कार्की छन् ।
वर्षौंदेखि नेपाली फिल्ममा रंग संयोजन (कलर ग्रेडिङ) गर्दै आइरहेका जुनिम गहतराजको डेब्यु निर्देशकीय फिल्म ‘ताण्डवम्’को टिजर सार्वजनिक गरिएको छ । शुक्रबार युट्युबमार्फत् सार्वजनिक झन्डै एक मिनेट लम्बाईको टिजरले थ्रिल महसुस गराउँदै प्रेम र बदला भाव देखाउँछ । फिल्मका मुख्य पात्र अंकित खड्काको ‘न्यारेसन’बाट सुरु भएको टिजर हिंसात्मक दृश्यसँगै अन्त्य हुन्छ ।
