Nepal's No.1 Filmy Web Magazine
गत जेठमा आएको ठूला ‘स्टार’का दुई फिल्म (पूजार सार्की र फर्की फर्की)को भिडन्तले ठूलै तरंग ल्याएको थियो । अब एकपटक फेरि दुई ‘स्टार’का फिल्म बक्स अफिसमा आमने-सामने हुने भएका छन् । ‘पूजार सार्की’मा एकसाथ काम गरेका प्रदीप खड्का र पल शाहको फिल्मबीच भिडन्त हुन लागेको हो । आगामी कात्तिक १५ गते (लक्ष्मीपूजा)मा उनीहरुका फिल्म भिड्न लागेका हुन् ।
छोरा र छोरीबीच गरिने विभेदको कथामा बनेको फिल्म ‘सतीदेवी’ले व्यापारमा सुधारको लागि संघर्ष गरिरहेको भए पनि प्रतिक्रिया राम्रो मिलेको छ । जो जतिले फिल्म हेरेका छन्, प्रशंसा नै गरेका छन् । विषयवस्तु र कलाकारको अभिनयले दर्शकलाई प्रभावित बनाएको देखिन्छ । सामाजिक सञ्जालमा फिल्मको प्रशंसा गर्दै स्टाटस लेख्नेदेखि भावुक हुँदै भिडियो बनाउने समेत देखिएका छन् ।
दशैंलाई लक्षित गरेर आगामी असोज ११ गतेबाट प्रदर्शनको तयारीमा रहेको फिल्म ‘सानो संसार’को पहिलो गीत ‘मगमग फूलबारी’ सार्वजनिक गरिएको छ । सोमबार श्रीकृष्ण जन्माष्टमीको अवसर पारेर काठमाडौंमा एक कार्यक्रमबीच सार्वजनिक गरिएको गीतमा राजनराज सिवाकोटीको शब्द रचना तथा संगीत छ भने पार्श्व गायनमा मेलिना राईलाई संगीतकार सिवाकोटीले साथ दिएका छन् ।
शंकर घिमिरेको लेखन तथा निर्देशनमा मा तयार भएको फिल्म ‘तेल भिसा’को पहिलो गीत सार्वजनिक गरिएको छ । सोमबार कृष्ण जन्माष्टमीको अवसर पारेर सार्वजनिक ‘हरि नाम झैं’ बोलको गीतमा फिल्मका प्रमुख पात्रहरुको खुसी र पीडालाई दर्शाइएको छ । कल्याण सिंहको संगीतमा तयार भएको गीतमा हर्क साउदको शब्द रचना छ भने निशान भट्टराई र समीरा थपलियाको गायन छ ।
यही भदो १४ गतेदेखि प्रदर्शनमा आउने तयारीमा रहेको फिल्म ‘वर एन्ड वधु’को प्रचारमा अभिनेत्री आँचल शर्मा र अभिनेता विवेक कर्माचार्यको राम्रै दौडधुप देखिन्छ । यसै साता पूर्व जिल्ला पुगेर फिल्मबारे जानकारी गराएका उनीहरुले मिडियामा पनि उपस्थिति जनाइरहेका छन् । यसैबीच, कृष्ण जन्माष्टमीको अवसरमा सोमबार बनेपामा आयोजित कन्या पूजामा पनि उनीहरु सहभागी भए ।
यही भदौ २१ गतेबाट प्रदर्शनमा आउन लागेको फिल्म ‘रावायण’को टिजर, गीत र ट्रेलरका कारण चर्चा चुलिएको छ । युट्युबमा यी तीनवटै ‘कन्टेन्ट’लाई दर्शकले निकै रुचाएका छन् । धेरैले यसबाट ‘एक्सन युग’को सुरुवात हुनसक्ने विश्लेषण समेत गरेका छन् । फिल्मको प्रचारात्मक सामाग्री हेर्दा यसको लक्षित वर्ग युवापुस्ता देखिन्छ । र, निर्माण टिमले प्रचार पनि त्यही रुपमा गरिरहेको छ ।
