Nepal's No.1 Filmy Web Magazine
अनिल योञ्जनको निर्देशनमा बन्न लागेको फिल्म ‘कुस्ती’मा कलाकारको लाइनअप रोचक बनिरहेको छ । मुख्य भूमिकामा अभिनेता धीरज मगर र अभिनेत्री मिरुना मगर निश्चित भइसकेको अवस्थामा भारतीय रियालिटी शो ‘स्प्लिट्सभिल्ला’ सिजन ५ बाट चिनिएकी दिकिला शेर्पाको पनि फिल्ममा प्रवेश भएको छ । यसै साता फिल्म सम्झौता गरेर उनले कार्यशाला पनि ज्वाइन गरिसकेकी छन् ।
नेपाली फिल्म क्षेत्रको ‘क्लासिक’ डकुड्रामा मानिन्छ, ‘उजेली’ । ३२ वर्षअघि प्रशारणमा आएको एक घन्टा लम्बाईको यो डकुड्रामा नहेर्ने सायदै नेपाली होलान् । अहिले पनि यसका दृश्य र संवाद उतिक्कै जीवन्त लाग्छन् । तत्कालीन समयमा संसारभरका २६ टेलिभिजन स्टेसनमा देखाइएको ‘उजेली’का केही क्लिप्स करिब ७ वर्ष अगाडि सामाजिक सञ्जालमा निकै भाइरल भएको थियो ।
यही माघ २५ गतेबाट प्रदर्शनमा आउन लागेको हरर फिल्म ‘ममी’को ट्रेलर सार्वजनिक गरिएको छ । मंगलबार सार्वजनिक झन्डै २ मिनेट लामो ट्रेलरले विगतको एउटा डरलाग्दो घटनाबाट भयवित अभिनेत्री प्रियंका कार्कीको पात्रलाई पछ्याएको छ । अलौकिक शक्तिका कारण एउटा घरभित्र घटेको घटनालाई फिल्मले मुख्य कथावस्तु बनाएको देखिन्छ । ट्रेलरका केही दृश्य डरलाग्दा छन् ।
विगत ५ वर्षदेखि नियमित रुपमा आयोजना हुँदै आइरहेको ‘नेपाल कल्चरल इन्टरनेशनल फिल्म फेस्टिभल’को छैटौं संस्करण यही माघ १७ गतेदेखि माघ १९ गतेसम्म काठमाडौंमा हुने भएको छ । यसपटक ६० मुलुकका ४ सय बढी फिल्मको आवेदन परेको र यसमध्येबाट नेपालसहित ४७ मुलुकका ९८ वटा फिल्म महोत्सवमा देखाइने मङ्गलबार एक कार्यक्रमका बीच जानकारी गराइयो ।
दीवाकर भट्टराईको लेखन तथा निर्देशनमा तयार भएको पाँचौं फिल्म ‘मायावी’को तेस्रो गीतको रुपमा ‘सितारा जडेको’ सार्वजनिक गरिएको छ । दीक्षित पौडेल र समीरा थपलियाको स्वर, शम्भुजित बास्कोटाको संगीत तथा दयाराम पाण्डे र दीवाकर भट्टराईको शब्द छ । गीतले माइतीघरबाट अन्मिएर पराइघर जान लागेकी युवतीको विदाइको पललाई भावुकताका साथ वर्णन गरेको छ ।
