Nepal's No.1 Filmy Web Magazine
फिल्म ‘दुःखी आत्मा’को दुई हप्ता अगाडि सार्वजनिक टिजरमा अभिनेता दयाहाङ राईले अभिनेत्री आँचल शर्माको एक शारीरिक अंगको प्रशंसामा बोलेको ‘सिन्धुलीको जुनारजस्तो’ संवाद चर्चित बनेको छ । ट्रोल पनि उत्तिकै भइरहेको छ । उक्त संवादले चर्चा पाइरहँदा यसै साता छायांकन भएको फिल्मको एक गीतमा निर्माण टिमले प्रप्सको रुपमा जुनार र सुन्तलाको प्रयोग गरेको छ ।
नेपाली फिल्मले व्यावसायिक फड्को मार्न थालेसँगै ठूला व्यापारिक घरानाहरु पनि आकर्षित हुन थालेका छन् । नेपालको प्रतिष्ठित व्यावसायिक घराना चौधरी ग्रुप चाँडै फिल्म निर्माणको तयारीमा रहेको जानकारी प्राप्त छ । गुण समूहका अध्यक्ष राजेन्द्र शाक्य पनि फिल्म ‘मंगलम २’ निर्माण गर्दैछन् । अब अर्को व्यावसायिक घराना फिल्म निर्माणमा जोडिने भएको छ । त्यो हो, गोल्छा ग्रुप ।
भ्यालेनटाइन डेको दिन पारेर आगामी फागुन २ गतेबाट प्रदर्शनमा आउने तयारीमा रहेको फिल्म ‘रंगी’को दोस्रो गीतको रुपमा ‘तिम्रै संसारमा’ सार्वजनिक गरिएको छ । सोमबार युट्युबमार्फत् सार्वजनिक उक्त गीतमा भीम बिसी र रजज्ञा श्रेष्ठको स्वर सुन्न सकिन्छ । गायक बिसी स्वयंको शब्द रचना तथा संगीत रहेको गीतलाई उदयराज पौडेलले एरेन्ज गरेका हुन् ।
यस वर्ष अभिनेता प्रदीप खड्काको फिल्म रिलिजको संख्या तीनवटा पुग्दैछ । उनको करिअरमै यो पहिलो पटक हुन लागेको हो । गत जेठमा उनी अभिनीत फिल्म ‘पूजार सार्की’ प्रदर्शन भइसकेको छ । अब यही माघ १६ गते ‘एक्टर : टेक वान’ र चैत २९ गते ‘पिताम्बर’ रिलिजको तयारीमा छन् । यी दुई फिल्म पनि व्यावसायिक रुपमा सफल भए उनले एकै वर्षमा हिटमा ह्याट्रिक गर्नेछन् ।
अभिनेता सुशील श्रेष्ठको करिअरका लागि फिल्म ‘आउट ल’ महत्त्वपूर्ण छ । एकपछि अर्को फिल्मको असफलताले ठूलो संकटमा रहेका उनलाई यो फिल्म व्यावसायिक रुपमा सफल हुनु अनिवार्य छ । यसैले उनले फिल्ममा दिलोज्यान दिएर मिहिनेत गरिरहेका छन् । यसमा उनी पूर्ण एक्सन अवतारमा प्रस्तुत हुँदैछन् । निर्माण पक्षको दाबी अनुसार उनले फिल्ममा गरेको एक्सन अद्भूत छ ।
