Nepal's No.1 Filmy Web Magazine
कलाकार बुद्धि तामाङको निर्माणमा बन्न लागेको फिल्म ‘कुस्ती’मा फेसन डिजाइनिङ सम्बन्धी संस्था इन्टरनेशनल इन्स्टिच्युट अफ फेसन टेक्लोलोजी (आईआईएफटी) भेषभूषा पार्टनरको रुपमा जोडिएको छ । मंगलबार एक समारोहका बीच आईआईएफटीको तर्फबाट प्रमुखद्वय सन्नी सुब्बा र उर्जा मानन्धर तथा फिल्मको तर्फबाट निर्देशक अनिल योञ्जनले सम्झौता पत्रमा हस्ताक्षर गरे ।
यतिबेला निकै चर्चामा रहेको गीत हो, ‘मखमली’ । फिल्म ‘ऊनको स्वीटर’मा समावेश यो गीत धेरैको मुख-मुखमा झुण्डिएको छ । यसमा हजारौं टिकटक र रिल्स बनिसकेका छन् भने युट्युबमा भ्यूज मात्र ३७ लाख बढी छ । गीतले राम्रो हाइप लिइरहँदा विदेशमा आक्रामक रुपमा फिल्म पनि बिक्री भइरहेको छ । गीत रिलिजपछि निर्माताले १० भन्दा बढी देशमा फिल्म बिक्री गरिसकेका छन् ।
अर्जुन सुवेदीको निर्देशनमा बन्न लागेको फिल्म ‘सोल्टिनी’को छायांकन सुरु गरिएको छ । मङ्गलबार इलामस्थित सानो पाथीभरा मन्दिरमा शुभसाइत गरेपछि छायांकन थालिएको हो । ३१ दिनको तालिकामा इलाम तथा भोजपुरमा फिल्मको छायांकन हुनेछ ।
आगामी माघ १६ गतेबाट प्रदर्शनमा आउन लागेको फिल्म ‘एक्टर: टेक वन’को गीत ‘के भरोसा गरम’प्रति दर्शकको राम्रो आकर्षण देखिएको छ । रिलिजको २ दिनमा गीतलाई युट्युबमा साढे १४ लाख बढीले हेरिसकेका छन् । २४ घण्टामै गीतलाई १० लाख भ्यूज मिलेको थियो । युट्युबमा गीतलाई प्रतिक्रिया पनि उत्साहजनक प्राप्त छ । गीतको अडियो र भिडियो दुवै दर्शकले रुचाएका छन् ।
एकपछि अर्को सफल फिल्म दिइरहेका निर्देशक दीपेन्द्र लामाको नयाँ फिल्म ‘दुःखी आत्मा’ आगामी फागुन २ गते (भ्यालेनटाइन डे)बाट प्रदर्शनको तयारीमा छ । ‘डिग्री माइला’पछि एकपटक फेरि अभिनेता दयाहाङ राई र अभिनेत्री आँचल शर्माको जोडी बाँधिएकाले फिल्मलाई लिएर दर्शक उत्साहित छन् । यसैबीच, मंगलबार फिल्मको युट्युबमार्फत् टिजर सार्वजनिक गरिएको छ ।
नेपालमा सबैभन्दा धेरै हरर जनराका फिल्ममा काम गर्ने अभिनेत्रीमा पर्छिन्, प्रियंका कार्की । ‘माला’ र ‘चि मुसी चि’ उनले गरेका पछिल्ला हरर फिल्म हुन् । उनले हरर सर्ट फिल्म ‘किचकंडी’मा समेत अभिनय गरेकी छन् । यसले पनि हरर फिल्मप्रति उनको रुचि देखाउँछ । तर, दुर्भाग्य ! उनले काम गरेका कुनै हरर फिल्मले न व्यावसायिक सफलता प्राप्त गरे न त दर्शकलाई नै तर्साए ।
