Nepal's No.1 Filmy Web Magazine
अर्जुन सुवेदीको निर्देशनमा बन्न लागेको फिल्म ‘सोल्टिनी’को छायांकन सुरु गरिएको छ । मङ्गलबार इलामस्थित सानो पाथीभरा मन्दिरमा शुभसाइत गरेपछि छायांकन थालिएको हो । ३१ दिनको तालिकामा इलाम तथा भोजपुरमा फिल्मको छायांकन हुनेछ ।
आगामी माघ १६ गतेबाट प्रदर्शनमा आउन लागेको फिल्म ‘एक्टर: टेक वन’को गीत ‘के भरोसा गरम’प्रति दर्शकको राम्रो आकर्षण देखिएको छ । रिलिजको २ दिनमा गीतलाई युट्युबमा साढे १४ लाख बढीले हेरिसकेका छन् । २४ घण्टामै गीतलाई १० लाख भ्यूज मिलेको थियो । युट्युबमा गीतलाई प्रतिक्रिया पनि उत्साहजनक प्राप्त छ । गीतको अडियो र भिडियो दुवै दर्शकले रुचाएका छन् ।
एकपछि अर्को सफल फिल्म दिइरहेका निर्देशक दीपेन्द्र लामाको नयाँ फिल्म ‘दुःखी आत्मा’ आगामी फागुन २ गते (भ्यालेनटाइन डे)बाट प्रदर्शनको तयारीमा छ । ‘डिग्री माइला’पछि एकपटक फेरि अभिनेता दयाहाङ राई र अभिनेत्री आँचल शर्माको जोडी बाँधिएकाले फिल्मलाई लिएर दर्शक उत्साहित छन् । यसैबीच, मंगलबार फिल्मको युट्युबमार्फत् टिजर सार्वजनिक गरिएको छ ।
नेपालमा सबैभन्दा धेरै हरर जनराका फिल्ममा काम गर्ने अभिनेत्रीमा पर्छिन्, प्रियंका कार्की । ‘माला’ र ‘चि मुसी चि’ उनले गरेका पछिल्ला हरर फिल्म हुन् । उनले हरर सर्ट फिल्म ‘किचकंडी’मा समेत अभिनय गरेकी छन् । यसले पनि हरर फिल्मप्रति उनको रुचि देखाउँछ । तर, दुर्भाग्य ! उनले काम गरेका कुनै हरर फिल्मले न व्यावसायिक सफलता प्राप्त गरे न त दर्शकलाई नै तर्साए ।
हरर-कमेडी जनरामा बनेको फिल्म ‘फिरफिरे फिरिरी’को ट्रेलर सार्वजनिक गरिएको छ । सोमबार चलचित्र विकास बोर्डको सभा हलमा एक कार्यक्रमका बीच सार्वजनिक झन्डै तीन मिनेट लम्बाईको ट्रेलरले कथावस्तुबारे महत्त्वपूर्ण खुलासा गर्छ । विभिन्न पेशा अंगालेका चार युवकको जीवनमा अचानक एक युवतीको आगमनपछि उत्पन्न परिस्थितिलाई हास्य शैलीमा प्रस्तुत गरिएको छ ।
समर निरौलाको डेब्यु निर्देशकीय फिल्म ‘ममी’को पहिलो गीत सार्वजनिक गरिएको छ । सोमबार काठमाडौंमा एक कार्यक्रमका बीच सार्वजनिक ‘म त यसै नक्कली’ बोलको डान्सिङ शैलीको गीतको भिडियोमा फिल्मका दुई मुख्य अभिनेत्री प्रियंका कार्की र दीया मास्केलाई नृत्य गर्दै देख्न सकिन्छ । उनीहरु दुवैलाई कोरियोग्राफर विक्रम स्वारले फरक नृत्य शैलीमा प्रस्तुत गरेका छन् ।
