Nepal's No.1 Filmy Web Magazine
दक्षिण भारतीय फिल्म ‘पुष्पा २ : द रूल’ले सन् २०२४ मा सबैभन्दा धेरै कमाइ गर्ने भारतीय फिल्मको कीर्तिमानी आफ्नो नाममा बनाउन सफल भयो । यसले हिन्दी भर्सनमा ८ सय करोड नेट र विश्वव्यापी १८ सय करोड कमाइसकेको छ । गत वर्ष ‘स्त्री २’ र ‘कल्की’ले पनि ठूलो कमाइ गरे । तर, २०२४ मा सबैभन्दा धेरै नाफा कमाउने फिल्मको पहिलो स्थानमा भने यी कुनै पनि छैनन् ।
आगामी माघ ११ गतेबाट प्रदर्शनमा आउन लागेको फिल्म ‘मिसिङः केटी हराएको सूचना’को नयाँ गीत सार्वजनिक गरिएको छ । शुक्रबार काठमाडौंमा एक कार्यक्रमका बीच सार्वजनिक ‘सपनीमा’ बोलको रोमान्टिक गीतमा करुण थापाको शब्द तथा संगीत छ भने इन्दिरा जोशी र करण परियारको स्वर छ । करुणले २० वर्षपछि यही गीतमार्फत् पार्श्व गीत लेखनमा कमब्याक गरेका हुन् ।
अभिनेता दयाहाङ राईको ६ महिनापछि रिलिज हुन लागेको नयाँ फिल्म ‘कार्साङ’को ट्रेलर बुधबार युट्युबमा सार्वजनिक भैसकेको छ । एक महिनाअघि आएको टिजर र आइतबार सार्वजनिक ‘सात भन्ज्याङ’ बोलको गीतले उत्कृष्ट प्रतिक्रिया पाइरहँदा ट्रेलरले पनि दर्शकलाई आकर्षित गरेको छ । युट्युबमा ट्रेलरलाई लोभलाग्दो भ्यूज मिलेको छ भने प्रतिक्रिया उस्तै उत्साहजनक प्राप्त छ ।
काठमाडौं महानगरका मेयर बालेन शाह र्याप गायकको रुपमा पनि परिचित छन् । उनले गाएको ‘गरिबको चमेली बोल्दिने कोही छैन’ गीत युवापुस्तामा निकै चर्चित छन् । ‘मन यो उड्यो’, ‘नेपाल हाँसेको’, ‘स्टे ट्रु’, ‘गोर्खाली तोप’, ‘स्याभेज’, ‘मार्फाको मदिरा’, ‘यथार्थ’, ‘आस्तिक’ पनि उनका चर्चित गीतहरुमा पर्छन् । तर, काठमाडौंको मेयर बनेपछि उनका गीत सार्वजनिक भएका छैनन् ।
गत वर्ष सबैभन्दा धेरै फिल्म रिलिज हुने अभिनेताको कीर्तिमानी दयाहाङ राईले बनाए । उनका ९ वटा फिल्म प्रदर्शनमा आएका थिए । दुईपटक त उनका आफ्नै फिल्मबीच भिडन्त भयो । यस वर्ष पनि उनकै फिल्म धेरै रिलिज हुने देखिन्छ । त्यो पनि गत वर्षकै हाराहारीमा । गत बैशाख, जेठ र असारमा उनका ३ वटा फिल्म ‘मनसरा’, ‘गाउँ आएको बाटो’ र ‘घरज्वाइँ’ प्रदर्शन भए ।
‘ह्वाइट’ सन (सेतो सूर्य) र ‘हाइवे’ फिल्मबाट अन्तर्राष्ट्रिय रुपमा ख्याति कमाएका निर्देशक दीपक रौनियारको नयाँ फिल्म ‘पूजा, सर : राजागञ्ज’ आगामी चैत १ गतेबाट प्रदर्शनमा आउँदैछ । यो फिल्म थुप्रै अन्तर्राष्ट्रिय फेस्टिभलहरुमा स्क्रिनिङ भइसकेको छ । गत भदौमा विश्वप्रसिद्ध भेनिस फिल्म फेस्टिभलमा वर्ल्ड प्रिमियर हुँदा फिल्मलाई १० मिनेट लामो ‘स्ट्यान्डिङ ओभेसन’ मिलेको थियो ।
