Nepal's No.1 Filmy Web Magazine
आगामी भदौ २१ गते (तीज)बाट प्रदर्शनमा आउन लागेको फिल्म ‘देवी’को टिजर सार्वजनिक गरिएको छ । नाबालिक बलात्कारको घटनालाई टिजरमा देखाइएको छ । पीडितको बयान र स्केच तयार हुँदा पनि निरीह बनेको प्रहरी र बलात्कारीको हत्या गर्दै हिँड्ने पात्रको कथामा फिल्म केन्द्रित रहेको टिजरले खुलासा गर्छ । फिल्मप्रति दर्शकलाई कौतुहलता जगाउन सक्ने सामर्थ्य टिजरमा छ ।
अभिनेता रमित ढुंगानाको निर्माण र निर्देशनमा तयार भएको फिल्म ‘नमेटिने घाउ’मा प्रधानमन्त्री तथा एमालेका अध्यक्ष केपी शर्मा ओलीले स्वरांकन (डबिङ) गरेका छन् । शनिबार अनामनगरस्थित म्यूजिक एरा रेकर्डिङ स्टुडियोमा उनले आफ्नो भागको दृश्यको स्वरांकन गरेका हुन् । फिल्ममा उनले प्रधानमन्त्रीकै भूमिकामा अभिनय गरेका छन् । छायांकन हुँदा भने उनी प्रधानमन्त्री थिएन ।
फिल्म ‘होस्टेल’को तेस्रो श्रृंखला निर्माणको तयारीमा छ । हाल वर्कसप र कलाकार अनुबन्धित प्रक्रियामा रहेको फिल्मका निर्माताले छायांकनभन्दा अगावै प्रदर्शन मिति घोषणा गरेका छन् । फिल्मलाई ग्याल्पो ल्होछारको सार्वजनिक विदा पारेर आगामी फागुन १६ गतेदेखि प्रदर्शन गरिने भएको छ । यसको दुई दिनअघि अर्थात् फागुन १४ गते भने फिल्म ‘लाज शरणम्’ प्रदर्शनको तयारीमा छ ।
आगामी भदौ १४ गतेदेखि प्रदर्शनमा आउन लागेको फिल्म ‘वर एण्ड वधु’को दोस्रो गीत सार्वजनिक गरिएको छ । ‘इतिहासमै चर्चा चल्छ’ बोलको डान्सिङ गीतमा ‘कोभन्दा को कम’ भन्ने शैलीमा बिहे गर्न तम्सिएका दुई परिवारबीचको घम्साघम्सीलाई देखाइएको छ । जसमा आँचल शर्मा, विवेक कर्माचार्य, गरिमा शर्मा, विजु पार्की, कुसुम शर्मा लगायतका कलाकारहरु नृत्य गर्दै प्रस्तुत छन् ।
फिल्म ‘म यस्तो गीत गाउँछु २’ प्रदर्शनको बेला अभिनेता पल शाह एउटा घटनाका कारण जेल चलान भएपछि अभिनेत्री पूजा शर्मा हलमा दर्शक भेट्न जाने क्रममा पटकपटक रोएकी थिइन् । त्यसबेला उनको आँशुले नै फिल्म चलाएको टीकाटिप्पणी भएको थियो । यसपछि उनलाई रोएर फिल्म चलाउने हिरोइनको ट्याग नै दिइयो । तर, उनले अब रोएर फिल्म नचलाउने उद्घोष गरेकी छन् ।
लभस्टोरी फिल्म निर्देशकको रुपमा चिनिएका सुदर्शन थापाले अब आफूलाई परिवर्तन गर्न खोजिरहेको देखिन्छ । अघिल्लो फिल्म ‘प्रसाद २’ सामाजिक विषयवस्तुमा बनाएका थिए । अब यस वर्ष उनले अर्को फिल्म ‘रावायण’ लिएर आउँदैछ, जुन एक्सन विधामा बनेको हो । शुक्रबार राजधानीमा एक कार्यक्रमबीच सार्वजनिक गरिएको टिजर हेर्दा साउथ शैलीको एक्सन पस्किएको देखिन्छ ।
