Nepal's No.1 Filmy Web Magazine
आगामी माघ १६ गते (शहिद दिवस)देखि प्रदर्शनको तयारीमा रहेको फिल्म ‘एक्टर : टेक वान’को मुख्य भूमिकामा दुई पुस्ता छन्, राजबल्लभ कोइराला र प्रदीप खड्का । राजबल्लभ दशकअघिका ‘स्टार’ हुन् । उनीपछि उदाएको पुस्तामा प्रदीप पर्छन् । यसैले उनीहरुलाई पहिलो पटक एकसाथ पर्दामा हेर्न दर्शक अधैर्य छन् । ‘को हिरो र को भिलेन’ भन्ने कौतुहलता पनि उतिक्कै देखिन्छ ।
‘हैट’ उपनामले परिचित कलाकार बुद्धि तामाङ अब निर्माता बन्ने भएका छन् । फिल्म ‘कुस्ती’बाट उनी निर्माणमा होमिन लागेका हुन् । गुरूङ समुदायको महान चाड तमु ल्होसारको दिन पारेर पोस्टरमार्फत् फिल्मको निर्माण घोषणा गर्दै कलाकारबारे जानकारी गराइयो । फिल्ममा अभिनेता धीरज मगर र अभिनेत्री मिरुना मगरको मुख्य भूमिका रहनेछ । यो उनीहरुको पहिलो सहकार्य हो ।
आगामी फागुन २ गतेबाट प्रदर्शनमा आउन लागेको फिल्म ‘रंगी’को टिजर सार्वजनिक गरिएको छ । सोमबार सार्वजनिक १ मिनेट ३९ सेकेण्ड लामो टिजरले फिल्मको कथावस्तुबारे जानकारी गराउँछ । एक बाबुले छोरीका लागि गरेको संघर्षको कथा पेश गरेको टिजर मर्मस्पर्शी छ । अभिनेता सलोन बस्नेत र बाल कलाकार आयुषी ढकालमा फिल्मको कथा केन्द्रित रहेको टिजरले प्रष्ट पार्छ ।
भारतीय फिल्म उद्योगका लागि वर्ष २०२४ सुखद् नै रहन पुग्यो । ठूला बजेटका बलिउड फिल्मले अपेक्षित व्यापार गर्न नसकेको भए पनि साना बजेटका फिल्मले उत्कृष्ट कमाइ गरे । केही साउथ फिल्मले पनि बक्स अफिस राम्रैसँग तताए । बलिउडतर्फ ‘स्त्री २’ र साउथतर्फ ‘पुष्पा २’ यस वर्ष सर्वाधिक कमाइ गर्ने फिल्म बनेका छन् । ‘पुष्पा २’ले त हिन्दी भर्सनमा इतिहास नै रचेको छ ।
नेपालको अग्रणी ओटीटी प्लेटफर्मको रुपमा आफूलाई उभ्याएको सिनेमाघर एपले आक्रामक रुपमा फिल्म रिलिज गर्न थालेको छ । अघिल्लो वर्षसम्म महिनामा मुश्किलले एउटा फिल्म रिलिज हुँदै आइरहेकोमा यतिबेला एपमा फिल्मको बाढी नै देखिएको छ । दशैंयता मात्र आधा दर्जनभन्दा बढी फिल्म रिलिज भइसकेका छन् भने केही फिल्म रिलिजका लागि तयारी अवस्थामा रहेका छन् ।
आगामी माघ २५ गतेबाट प्रदर्शनको तयारीमा रहेको हरर फिल्म ‘ममी’को टिजर सार्वजनिक गरिएको छ । १ मिनेट ३८ सेकेण्ड लम्बाईको टिजरले फिल्मको कथावस्तुबारे जानकारी गराउँछ । एउटा घरमा कालो विरालो पाल्न थालेपछि श्रृंखलाबद्ध रुपमा परिवारमा निम्तिने विपत्तिलाई टिजरमा देखाइएको छ । फिल्मले दर्शकलाई हरर अनुभव गराउन सक्ने छनक टिजरले दिन्छ ।
