Nepal's No.1 Filmy Web Magazine
अभिनेता पल शाह र अभिनेत्री बेनिशा हमालले पहिलोपटक फिल्ममा सहकार्य गर्ने भएका छन् । ‘बुलाकी’ फेम्ड निर्देशक लक्ष्मण सुनारको आगामी फिल्म ‘कल्ली’मा उनीहरुले एकसाथ काम गर्न लागेका हुन् । मंगलबार फर्स्टलुक पोस्टर सार्वजनिक गर्दै फिल्म निर्माणको घोषणा गरियो । पोस्टरले फिल्म एक्सन प्रधान हुने संकेत गर्छ । निर्देशक सुनारले फिल्म पौराणिक कथामा बन्ने बताए ।
यही साउन १८ गतेबाट प्रदर्शनमा आउन लागेको फिल्म ‘मोदीबेनी’बाट एक नायकको उदय हुँदैछ । तिनी हुन्, अमर प्रताप श्रेष्ठ । यो उनको डेब्यु फिल्म भए पनि त्यसअघि नै अभिनयको अनुभव बटुलिसकेका थिए । केही नाटक, विज्ञापन तथा वेब सिरिजमा काम गरिसकेका उनले अब फिल्म अभिनयमा परीक्षा दिएका छन् । ट्रेलर हेर्दा उनीबाट आशा गर्ने ठाउँ देखिन्छ ।
यही साउन २५ गतेदेखि प्रदर्शनमा आउने तयारीमा रहेको फिल्म ‘नम्बरी सुन’का कलाकार तथा निर्माता नारायण खाती पेशाले सुन व्यवसायी हुन् । यसैले त उनले फिल्म हेर्ने १२ जनालाई सुनको ‘चन्द्रहार’ उपहार दिने घोषणा गरेका छन् । फिल्मले उठाएको कथा पनि सुनसँगै सम्बन्धित छ । सुनको इतिहासलाई मुख्य विषयवस्तु बनाएर फिल्मले अन्तरजातीय सम्बन्धको कथा उठान गरेको छ ।
गत वर्षको सुपरहिट फिल्म ‘परदेशी २’बाट अभिनेताको रुपमा डेब्यु गरेका चर्चित गायक प्रकाश सपूतले आफ्नो दोस्रो फिल्म ‘पूर्ण बहादुरको सारङ्गी’ को छायांकन सकाएका छन् । ओखलढुङ्गाको रुम्जाटार क्षेत्रमा ३६ दिन र काठमाडौंमा ४ दिन गरी ४० दिनमा फिल्म ‘प्याकअप’ भएको हो । अब पोस्ट प्रोडक्सनको काम सुरु गरेर अर्को वर्षभित्र रिलिज गरिने निर्माता विनोद पौडेलले बताए ।
‘आमा’ फेम्ड निर्देशक दीपेन्द्र के. खनालको आगामी फिल्म ‘के घर के डेराः घर नम्बर २’मा कलाकारको ‘लाइनअप’ बलियो बन्दै गएको छ । अभिनेताद्वय खगेन्द्र लामिछाने र निश्चल बस्नेतपछि फिल्ममा अब अर्का अभिनेता आर्यन सिग्देलको पनि प्रवेश भएको छ । यसै साता आर्यनसँग निर्माण पक्षले लिखित सम्झौता गरेको हो । फिल्ममा उनी घरबेटीको भूमिकामा देखिन लागेको चर्चा छ ।
संविधान दिवसको अवसर पारेर आगामी असोज ३ गतेदेखि प्रदर्शनमा आउन लागेको फिल्म ‘ह्रस्व दीर्घ’को नयाँ पोस्टर सार्वजनिक गरिएको छ । जसमा फिल्मका मुख्य अभिनेता हरिहर अधिकारी ‘एंग्री योङम्यान’को लुक्समा देखिएका छन् । एउटा हातमा तातो चियाको कप लिएका उनको शरीरमा चोटैचोट र रगत बगिरहेको छ । यसले फिल्ममा उनको चरित्र हिंसात्मक रहेको संकेत गर्छ ।
