Nepal's No.1 Filmy Web Magazine
अभिनेत्री नीता ढुंगाना र ज्योतिष तथा अभिनेता हरिहर अधिकारीको निर्माण एवं अभिनय रहेको फिल्म ‘ह्रस्व दीर्घ’मा नेपालीसहित भारतीय कलाकारहरुको पल्टन नै छ । नेपालबाट नीता र हरिहरका साथै विपना थापा, सञ्चिता लुईंटेल, प्रशान्त ताम्राकार, गरिमा शर्मा जस्ता कलाकार छन् भने भारतबाट ब्रम्हानन्दम, सुनील वर्मा, प्रदीप रावत, अली र कबीर दुहन सिंहले अभिनय गरेका छन् ।
शुक्रबार अभिनेता खगेन्द्र लामिछानेको जन्मदिन परेको थियो । उक्त शुभदिनमा उनलाई नयाँ फिल्म ‘के घर के डेरा: घर नम्बर २’ उपहार मिलेको छ । जन्मदिनको अवसरमा उनलाई निर्माण टिमले फिल्मको मुख्य भूमिकामा अनुबन्धित गरेको हो । दीपेन्द्र के. खनालले फिल्मलाई निर्देशन गर्नेछन् । खगेन्द्र र दीपेन्द्रबीच यसअघि ‘पशुपति प्रसाद’, ‘धनपति’ र ‘मेयर’मा सहकार्य भैसकेको छ ।
शुक्रबारबाट प्रदर्शनमा आएको अभिनेता दयाहाङ राई र अभिनेत्री मिरुना मगर अभिनीत फिल्म ‘घरज्वाइँ’को अगाडि ठूलो चुनौती थियो । एकातिर ठूला विदेशी फिल्महरुसँग प्रतिस्पर्धा र अर्कोतिर निरन्तरको वर्षातले व्यापार कस्तो हुने हो भन्ने अन्योलता छाएको थियो । यसका बावजूद फिल्मले बक्स अफिसमा सुखद् सुरुवात गरेको छ । पहिलो दिन फिल्मले देशभर राम्रो दर्शक पाएको छ ।
आगामी साउन ११ गतेदेखि प्रदर्शनमा आउने तयारीमा रहेको फिल्म ‘ईश्वर’को दोस्रो गीत ‘पूरा भयो सपना’ सार्वजनिक गरिएको छ । रवि ओड र बेनिशा पौडेलको स्वर रहेको गीतमा राजेन्द्र बजगाईंको संगीत तथा भीष्मराज फूलाराको शब्द छ । गीतमा फिल्मका मुख्य अभिनेता ध्रुव थापा र अभिनेत्री कृष्टि गुरुङ प्रस्तुत छन् । गीतले उनीहरुको एकअर्काप्रति प्रेम र समर्पणको भाव व्यक्त गर्छ ।
एक वर्षअघि सार्वजनिक भएको लोकगायक प्रकाश सपूतको ‘सकम्बरी’ गीतले मोडल कुशुम शर्मालाई चर्चाको शिखरमा पुर्यायो । अहिले उनको उपनाम नै ‘सकम्बरी’ बनेको छ । यो बीचमा दर्जनौं म्यूजिक भिडियोमा काम गरेकी उनी अब फिल्मतिर ढल्किएकी छन् । उनले गत बैशाखमा ‘वर एन्ड वधु’बाट फिल्ममा डेब्यु गरिसकेकी छन् । तर, यसमा उनी सहायक अभिनेत्रीको रुपमा छिन् ।
२०७१ सालमा आएको फिल्म थियो, ‘जेरी’ । यो अभिनेता अनमोल केसीको करिअरको दोस्रो फिल्म हो । यसले तत्कालीन समयमा राम्रो सफलता पाएको थियो । अब यही नामको पछाडि ‘अन टप’ थपेर निर्माता सरोज न्यौपानेले फिल्म निर्माण गर्न लागेका छन् । दुई साताअघि अभिनेत्री हेरफेरको विषयले विवादमा तानिएको यो फिल्मको यतिबेला नामलाई लिएर अर्को विवाद सुरु भएको छ ।
