Nepal's No.1 Filmy Web Magazine
‘छक्का पञ्जा’ टिमको भरपर्दो खब्बा थिए, जितु नेपाल । ‘६ एकान ६’देखि दीपक-दीपा समूहको फिल्ममा उनी टुटेका थिएनन् । यो समूहको फिल्म चल्नुमा उनको पनि ठूलो भूमिका थियो । तर, ‘महानायक’ विवादको समयमा जितुले आफ्नो नामको कमेडी शोको अध्यक्षबाट दीपाश्री निरौलालाई हटाएपछि उनलाई पनि टिमबाट हटाइयो । यसपछि जितुले आफ्नै हिसाबले काम गरिरहेका छन् ।
राजु गिरीको निर्देशनमा बनेको फिल्म ‘ईश्वर’को ट्रेलर सार्वजनिक गरिएको छ । २ मिनेट लामो ट्रेलरमा अन्तरजातीय प्रेममा आउने अवरोधलाई देखाइएको छ । ध्रुव थापा र कृष्टि गुरुङ मायामा छन् । तर, उनीहरुको जात मिल्दैन । जात मिल्ने बुद्धि तामाङलाई कृष्टिले मन पराउँदिनन् । ट्रेलरले यी तीन पात्रलाई नै पछ्याएको छ । अनु शाह र पृथ्वीराज प्रसाइँबीचको प्रेम पनि देख्न सकिन्छ ।
नेपाली फिल्मलाई सबैभन्दा ठूलो डर भनेकै विदेशी फिल्म हो । त्यसमा पनि अझ बढी बलिउड र साउथ । यी दुई इन्डस्ट्रीका ठूला ‘स्टार’ र ‘सिक्वेल’ फिल्मसँग जुध्नु भनेको आफ्नै खुट्टामा बञ्चरो हान्नु मानिन्छ । यसैले उताको रिलिज क्यालेन्डर हेरेर मात्र यताको रिलिज तय गरिन्छ । तर, जब बलिउड र साउथ फिल्मको रिलिज हेरफेर हुन्छ तब नेपाली फिल्मको रिलिज ‘सेड्युल’ नै विग्रिन्छ ।
गत वर्ष आएको फिल्म ‘पर्खि बसें तिमीलाई’बाट डेब्यु गरेका अभिनेता हुन्, किरण श्रेष्ठ । यो फिल्म व्यावसायिक रुपमा सफल हुन नसकेको भए पनि उनले अभिनयमा राम्रो सम्भावना देखाएका थिए । अब उनको दोस्रो फिल्म ‘दान्भी’ आगामी असार ७ गतेबाट प्रदर्शनमा आउने तयारीमा छ । डेब्यु फिल्ममा लभर ब्वाईको रुपमा प्रस्तुत भएका उनी यसमा भने एक्सन अवतारमा देखिँदैछन् ।
नेपाली फिल्ममा धेरै कलाकार भए पनि हरेक विधामा निपूर्ण थोरै मात्र छन् । अभिनयमा अब्बल भएका नृत्यमा कमजोर देखिन्छन् । एक्सन राम्रो हुनेको अभिनय र नृत्य उम्दा देखिन्न । यसैले नेपाली फिल्ममा ‘प्याकेज हिरो’ नभएको अक्सर चर्चा हुन्छ । तर, कुनै समय अभिनेता सुशील क्षेत्रीले आफूलाई हरेक विधामा प्रमाणित गरेका थिए । अभिनय, नृत्य र एक्सनमा उनी निपूर्ण मानिन्छन् ।
यतिबेला नेपालका हलमा फिल्मको ठूलो चाप देखिएको छ । नेपाली र विदेशी फिल्मले हल भरिभराउ छन् । त्यसमा कुनै नयाँ छन् त कुनै पुराना फिल्म । देशकै ठूलो मल्टीप्लेक्स चेन क्यूएफएक्समा मात्र अहिले दशवटा फिल्म प्रदर्शन भैरहेका छन् । त्यसमध्ये ६ वटा विदेशी र ४ वटा नेपाली छन् । यसरी हेर्दा हलमा फिल्मको अभाव छैन । र, केही फिल्मले राम्रो व्यापार पनि गरिरहेका छन् ।
