Nepal's No.1 Filmy Web Magazine
कोही पनि मानिस कमजोररहित हुँदैनन् । तर, आफ्नो कमजोरी सुधार नगर्नु चाहिँ सबैभन्दा ठूलो कमजोरी हो । अझ कलाकारको हकमा त झन् कमजोरी सुधार्नु अनिवार्य नै मानिन्छ । चाहे अभिनय होस् वा नृत्य । कलाकार भएपछि हरेक कुरामा सकभर निपूर्ण हुनुपर्छ भन्ने मान्यता छ । यसैले लामो रेसको घोडा बन्न कलाकारले कमजोरी सुधारेर आफूलाई सक्षम र सबल बनाउन सक्नुपर्छ ।
यस वर्ष नेपाली फिल्मको राम्रो माहोल बनेको छ । एकपछि अर्को फिल्म दर्शकको चुम्बकीय आकर्षण बनेका छन् । दशैंमा आएको ‘१२ गाउँ’ होस् वा ‘छक्का पञ्जा ५’ वा तिहारको ‘पूर्ण बहादुरको सारङ्गी’ नै किन नहोस्, हरेकले हलमा महोत्सवको माहोल बनाए । गत साता आएको ‘ह्रस्व दीर्घ’ले पनि गर्माएको बजार सेलाउन दिएन । अहिले नेपाली फिल्म क्षेत्र गुल्जार देखिन्छ ।
बलिउडमा सिक्वेल ट्रेन्ड निकै मौलाएको छ । र, सिक्वेल फिल्मले व्यावसायिक सफलता पनि हासिल गरिरहेका छन् । अब १८ वर्ष पुरानो ‘कल्ट क्लासिक’ फिल्म ‘भागम भाग’को पनि सिक्वेल बन्ने भएको छ । आगामी वर्ष (२०२५)को मध्यबाट छायांकन गर्ने गरी अहिले स्क्रिप्ट लेखनको काम भइरहेको निर्माण कम्पनी रोअरिङ रिवर प्रोडक्सनकी सरिता अश्विन वर्देले जनाएकी छन् ।
कथाकार गुरुप्रसाद मैनालीको चर्चित कथासंग्रह ‘नासो’मा सङ्ग्रहित ‘परालको आगो’ कथामा आधारित भएर निर्माण हुन लागेको फिल्ममा अभिनेत्री सुहाना थापा मुख्य भूमिकामा अनुबन्धित भएकी छन् । फिल्म निर्माण कम्पनी हरिओम सिने मेकर्सको तर्फबाट निर्माता सुशील पोखरेलले शुक्रबार सुहानासँग कागजी सम्झौता गरेका हुन् । यसमा सुहाना गौँथलीको भूमिकामा देखिनेछिन् ।
