प्रदर्शन मिति तय नभएको फिल्म चकलेटको ट्रेलर र ३ वटा गीत सार्वजनिक गरिएको छ । काठमाण्डौको कुमारी हलमा आयोजना गरिएको कार्यक्रममा फिल्मको ट्रेलर र गीत सार्वजनिक गरिएको हो । कार्यक्रममा हाँस्यकलाकार दिपकराज गिरी, दीपाश्री निरौला सहकर्मी निर्मल शर्मालाई शुभकामना दिन पुगेका थिए ।
यस्तै, कार्यक्रममा अभिनेत्री तथा प्रस्तुतकर्ता पूजना स्त्री, कलाकार आयुष्मान घिमिरे देखिए । फिल्मका मुख्य कलाकारहरु नम्रता झा, सुमन गैरे कार्यक्रममा उपस्थित भएनन् ।
अभिनेत्री तथा प्रस्तुतकर्ता पूजना स्त्रीले आफूलाई १४ बर्षको उमेरमा छवि ओझाले यो क्षेत्रमा भित्राएको भन्दै अहिले निर्मल शर्माले नयाँ तबरले प्रस्तुत गरेको बताइन् ।
निर्देशक निर्मल शर्माले भने दर्शकलाई आफूले मिहिनेत गरेर काम गरेकाले फिल्म हेरिदिन आग्रह गरे । छोटो कार्यक्रममा पूजना र निर्मल बोलेपछि फिल्मको ट्रेलर र गीत देखाइएको थियो । फिल्मले सडक बालबालिकाको कथालाई प्रस्तुत गरेको छ ।
