आगामी कात्तिक २५ गतेलाई प्रदर्शन मिति घोषणा गर्दै फिल्म ‘वेलकम टू हेम्जाकोट’को पहिलो गीत सार्वजनिक गरिएको छ । बुधवार राजधानीमा एक कार्यक्रमका बीच सार्वजनिक गरिएको ‘मायाको रेडियो’ बोलको आइटम गीतमा मोडल अलिशा शर्मासँग फिल्मका लिड अभिनेता विनोद न्यौपानेले ठुम्का लगाएका छन् । गीतको भिडियोमा अलिशाले आकर्षक नृत्य प्रस्तुत गरेकी छन् ।
गीतमा उदेश श्रेष्ठ र इन्दिरा जोशीको स्वर रहेको छ भने राज सागरको संगीत र प्रज्ज्वल अधिकारीको शब्द रचना छ । गीतको भिडियोमा कविराज गहतराजको कोरियोग्राफी छ । सुरज पौडेलको लेखन तथा निर्देशन रहेको फिल्ममा बुद्धि तामाङ, बिशाल पहाडी, रबि गिरी, सन्दिप सिग्देल, स्वर्गीय जयनन्द लामा, अम्बिका तामाङ, अस्मिता पन्त, शारदा गिरीलगायतको अभिनय छ ।
तेजप्रसाद दाहालको प्रस्तुति रहेको फिल्मको कार्यकारी निर्मातामा सुमन खड्का र निर्मातामा जितेन्द्र गिरी छन् । प्रविण राई, रिता परियार, रमेश चापागाँई, सुदीप पोखरेल, सुनील पोखरेल, महेश प्रसाँई, आइतराम तामाङ, युवराज कटुवाल, सशांक खड्का र गोपाल सानु सह–निर्माता रहेको फिल्ममा दीर्घ गुरुङको छायांकन, मित्र डि गुरुङको सम्पादन, मिलन श्रेष्ठको द्वन्द्व निर्देशन छ ।
