साउथ फिल्म ‘बाहुबली’भन्दा अगाडि पेन इन्डिया फिल्मको कन्सेप्ट त टाढाको कुरा, यो शब्दको बारेमा समेत बलिउड अनविज्ञ झैं थियो । तर, यो फिल्मपछि बलिउडको रुपरेखा नै बदलिएको छ । सफलताको भोकले यतिबेला बलिउड पेन इन्डिया फिल्मको पछाडि भागिरहेको छ । जसको नतिजा स्वरुप यतिबेला बलिउडमा संकटको बादल छाएको छ । फिल्महरु चल्न छाडेका छन् ।
बलिउड निर्देशक अनुराग कश्यपले पेन इन्डिया फिल्म बनाउने होडबाजीले बलिउड बर्बाद भएको टिप्पणी गरेका छन् । अहिले बलिउड फिल्म नचल्नुको कारणबारे उनले भनेका छन्, ‘कलाकारहरु पनि अहिले पेन इन्डिया फिल्म नै बढी गरिरहेका छन् । पेन इन्डियाको ट्रेन्ड पछ्याउँदा बलिउड छायाँमा परेको छ र आफैंलाई ध्वस्त गर्न इन्डस्ट्री पेन इन्डिया फिल्मको पछाडि दौडेको छ ।’
मराठी फिल्म ‘सैराट’को सफलता देखेर त्यसको नक्कल उतार्न सुरु गरेपछि इन्डस्ट्रीको उदो गति सुरु भएको अनुरागको तर्क छ । पेन इन्डिया फिल्मबाट बाहिर निस्कनुपर्ने तर्क पेश गर्दै उनले भनेका छन्, ‘पेन इन्डियाको क्रेजले बलिउड आक्रान्त छ । पूरै भारतमा अहिले हर कोही एउटा भएपनि पेन इन्डिया फिल्म बनाउन चाहिरहेको छ । तर, सफलता ५/१० प्रतिशतलाई मात्र हुन्छ ।’
